O Concello de Boiro celebrou este xoves día 26 o pleno ordinario local correspondente ao mes de marzo que contou coa totalidade de membros da Corporación. Como de costume, a sesión pode verse íntegra a través da canle de YouTube. Saldouse cun acordo importante dende o punto de vista ambiental: a aprobación por unanimidade dunha iniciativa de Boiro Novo para aumentar o número de contedores de reciclaxe de lixo no rural.
Votacións da sesión plenaria:
1 Aprobación da acta da sesión ordinaria do 19 de febreiro de 2026 – aprobación con 9 votos a favor (PSOE e Boiro Novo) e 8 abstencións (PP, BNG e 1 concelleira do PSOE).
2 Modificación de Créditos – aprobación con 9 votos a favor (PSOE), 3 votos en contra (BNG e Boiro Novo) e 5 abstencións (PP).
3 Recoñecemento extraxudicial de créditos – aprobación con 9 votos a favor (PSOE), 3 votos en contra (BNG e Boiro Novo) e 5 abstencións (PP).
4 Moción do grupo municipal do PP sobe a modificación do regulamento xeral de Costas. *punto retirado da orde do día
5 Moción do grupo municipal do PP sobre o uso de prendas como o Burka e Niqab, así como outros elementos que oculten o rostro en espazos públicos – rexeitado con 9 votos en contra 11 (PSOE e BNG), 5 votos a favor (PP) e 1 abstención (Boiro Novo).
6 Moción do grupo municipal de Boiro Novo/mixto para aumentar o número de contedores de reciclaxe nos núcleos do rural do Concello – aprobación por unanimidade (17 votos a favor).
