O Concello de Rianxo informou que xa aberto o prazo de inscrición no programa municipal de conciliación do Concello de Rianxo: o programa Concilia Semana Santa. As datas de desenvolvemento das actividades de lecer para a rapazada do concello son as seguintes: 30 e 31 de marzo, e 01 e 06 de abril. As accións levaranse a cabo en horario de 08:00 a 14:00 horas, no CEIP Castelao, no CEIP Ana María Diéguez e no CEP Brea Segade. As destinatarias serán familias rianxeiras con nenos e nenas nados entre 2014 e 2022 (incluídos) con necesidades de conciliación. As solicitudes cómpre presentalas antes do 18 de marzo. Quen precise máis datos ou formalizar a inscrición ten todo o preciso na web municipal.
