O Concello de Porto do Son informou da apertura de prazo para inscribirnos na Andaina Panorámica que se vai celebrar o vindeiro 28 de marzo, o sábado que dá inicio ás celebracións da Semana Santa 2026. O plan é o seguinte: ás 9.00 horas sairá o autobús dende a praza do Curro de Portosín ata os Chans de Raña, dende onde as persoas participantes partirán para realizar un percorrido de quince quilómetros co que gozar “dunhas vistas panorámicas de gran beleza ata regresar de novo a Portosín”, informou o Concello.
As persoas que desexen participar pódense inscribir mandando un correo electrónico a osoncamina@gmail.com ou no teléfono 981 767 589, indicando nome e apelidos, DNI, data de nacemento e teléfono.
