Este venres 13 de maio vaise celebrar no Museo Mar de Noia un coloquio sobre a histórica relación da xente de Noia co mar: unha relación que vén de lonxe e que constitúe un tesouro patrimonial. Desenvolverase baixo o epígrafe A Cultura Mariñeira e dará comezo ás 19:00 h. Durante o acto presentarase o libro A Fonte do Santo Oficio, de Emilio García Portosín, en colaboración coa Asociación Mar de Noia. Ademais, contarase coa actuación do Grupo Troula na Barquiña para completar a xornada. A entrada será libre ata completar capacidade. A xornada vén da man da Asociación Mar de Noia e o Concello.
