A Asociación Rianxeira de Empresarios (ARE) ten nova sede física dende a que “seguir medrando e traballando para ofrecer un mellor servizo ás empresas asociadas”. O obxectivo concreto do traslado foi “mellorar as nosas instalacións e atender ás empresas e á cidadanía en condicións máis cómodas e funcionais”. O novo enderezo é rúa Irmáns Insua, nº 31, Rianxo. “Seguiremos ao voso carón, co mesmo compromiso de sempre, pero nun espazo renovado para continuar impulsando o comercio, a hostalaría e os servizos locais”, informaron dende a patronal das empresas rianxeiras.
A Asociación Rianxeira de Empresarios leva en activo dende xaneiro de 1988 co obxectivo de representar, defender e promover os intereses económicos, sociais, profesionais e culturais do tecido empresarial de Rianxo. A asociación promove ferramentas dixitais para o empresariado local, formación, asesoramento, información normativa, campañas de dinamización comercial, convenios con servizos profesionais e accións de promoción para impulsar o crecemento e a competitividade das empresas asociadas.
