Este sábado, 21 de febreiro, ás 11:00 horas, a Casa da Cultura de Porto do Son acollerá un coloquio sobre trastorno de espectro autista e altas capacidades, organizado pola asociación BarbanTEA en colaboración co Concello.
Este espazo de conversa próximo ofrecerá consellos prácticos e café compartido. Ademais, a charla contará coa participación de Mónica Caínzos Achirica, psicóloga especializada en psicoloxía educativa e orientación escolar (do taller tecnolóxico compostelán VermisLAB, centrado en espertar vocacións investigadoras entre a rapazada), que axudará a comprender mellor esta realidade e a resolver dúbidas.
