O Auditorio de Rianxo acolle a partir da semana, do mates 24 de febreiro ao 11 de marzo, un curso formativo sobre as utilidades e posibilidades da intelixencia artificial (IA) ao servizo de veciñanza e dende unha óptica segura, consciente, ética e responsábel.
O curso desenvolverase de martes a venres, entre as 17:00 e as 20:00 horas.
Por contidos, tocaranse temas como a intelixencia artificial (coñece a un novo aliado), a IA para a procura de emprego, a ciberseguridade práctica (blindando a nosa vida dixital), a IA como unha nova linguaxe e como dominar a IA para multiplicar o noso contido e minimizar esforzos.
A cita vén da man da Xunta, o Goberno e o Concello, e será impartida por ARA Formación.
Máis información e inscricións no 645 440 959 ou no 659 799 037.
