O director xeral de Pesca, Acuicultura e Innovación Tecnolóxica, Isaac Rosón, mantivo este martes unha reunión co patrón maior da confraría de pescadores de Portosín, no marco da rolda de contactos que as distintas áreas da Consellería do Mar están a desenvolver cos axentes socioeconómicos do sector marítimo-pesqueiro.
Durante o encontro, Rosón reiterou o compromiso da Xunta de Galicia co sector e subliñou a importancia da promoción e da posta en valor dos produtos do mar galegos como eixo clave para o seu desenvolvemento.
A xuntanza serviu, así mesmo, para dar continuidade á estratexia da Administración autonómica orientada a reforzar a cooperación cos pósitos, co obxectivo de impulsar de maneira conxunta un sector sostible, competitivo e con futuro.
