Como vén sendo habitual o Concello de Dodro sumouse de cheo ás celebracións do mes de Rosalía de Castro. Farao principalmente o día 23 de febreiro “dun xeito moi especial”. Así, a partir das 19.00 horas o Palacio de Lestrobe acollerá o festival-espectáculo Rosalía POP, que xuntará poesía oral popular (de aí o termo “POP”) e a presenza da agrupación Os Quinquilláns (especializados en recreación histórica e divulgación a través do teatro e as intervencións na rúa) coa música e a improvisación oral de Lupe Blanco, cantareira e regueifeira. Será, en palabras do Concello, “un espectáculo único que non vos podedes perder”.
Ademais, non faltará a degustación do Caldo de Gloria que o longo de todo o día poderemos degustar nos locais de hostalería do concello e que tamén será repartido nos centros de ensino e entidades colaboradoras.
O espectáculo Rosalía POP forma parte da Rede Cultural da Deputación da Coruña,
