O alcalde de Boiro, José Ramón Romero, e o concelleiro delegado da área de Sanidade, Roberto Lojo, mantiveron na mañá deste mércores 25 de febreiro unha xuntanza co xerente da área sanitaria de Santiago e Barbanza, Ángel Facio Villanueva, e o seu equipo para trasladarlle as principais necesidades do Centro de Saúde de Boiro.
Entre as máis destacadas demandas trasladadas está a cobertura de prazas de médicos e persoal administrativo, dotación de novos espazos para o persoal médico; así como arranxos e melloras no edificio.
Por parte do equipo da xerencia comprometéronse a estudar todas as necesidades para poder atallalas.
O alcalde de Boiro, José Ramón Romero, resaltou a boa predisposición por parte da xerencia para “atender estas demandas que xorden da veciñanza e persoal do centro e que van redundar en melloras para o centro e a cobertura de servizos no Centro de Saúde”.
