O Concello de Boiro vén de dotar ao servizo municipal de limpeza viaria dun vehículo adaptado para a realización de baldeos co obxectivo de “mellorar o traballo manual que realizan os operarios municipais, especialmente no núcleo urbano”, sinalou o Goberno local.
Este vehículo foi adaptado cun sistema que permitirá intensificar as tarefas de baldeo nas rúas e no mobiliario urbano como bancos, maceteiros ou outros elementos ornamentais, garantindo unha limpeza máis profunda.
“A incorporación deste vehículo supón un reforzo ao servizo de limpeza viaria, facilitando as tarefas diarias dos operarios e prestando unha resposta máis rápida ás necesidades de limpeza, especialmente en momentos de maior afluencia de persoas”, engadiu o Concello.
