O Concello de Boiro vai levar a cabo un curso de galego destinado ao público xeral impulsado pola Deputación da Coruña. A formación será todos os mércores de 10.30 a 20.00 horas no Centro Social de Boiro.
A área de lingua da Deputación da Coruña está a impulsar unha Rede Provincial de Grupos de Conversa en Galego, un sistema interconectado de espazos que alenten ao uso da lingua entre aquelas persoas que non a falan no seu día a día e aquelas outras que acaban de chegar á nosa terra es están en proceso de aprendizaxe.
Este grupo estará dinamizado pola técnica de ensino do Concello de Boiro co obxectivo de liderar o grupo achegando actividades e temas de conversa co obxectivo de que as persoas participantes poidan mellorar a lingua e tamén aprender da nosa cultura e a nosa xente.
A participación no grupo é gratuíta pero require inscrición previa que pode facerse no Departamento de Educación chamando ao 981 84 84 25 ou no enderezo electrónico educacion@boiro.gal.
