O Concello de Boiro conmemora o vindeiro 21 de febreiro o Día de Rosalía cunha visita didáctica e cultural ás terras de Rosalía. Para participar na visita é necesaria inscrición previa no Departamento de Educación.
A visita celebrarase o sábado 21 de febreiro con saída ás 9.00 horas en autobús dende as escaleiras da Cachada para realizar unha visita teatralizada por Santiago de Compostela realizada polos Quinquilláns e visita guiada ao Museo do Pobo Galego.
O xantar será opcional no Restaurante Scala para continuar pola tarde a visita en Padrón á Casa Rosalía e rematar a xornada cun obradoiro de canto con Luís “O Caruncho”.
As inscricións están xa abertas e poden facerse mediante o enderezo electrónico educacion@boiro.gal ou o teléfono 981 84 84 25.
