O Concello de Rianxo, a través da concellería de Igualdade, organiza unha nova edición das xornadas Muller e saúde, co obxectivo de compartir coas veciñas do termo municipal recursos que lles axuden a mellorar a súa calidade de vida. As sesións celebraranse no Auditorio Municipal. Desta volta contarase con tres interesantes obradoiros que buscan promover o benestar físico, mental e emocional das mulleres. Son os seguintes: Cambios evolutivos na muller (o luns 2 de marzo de 16.30 a 20.30 horas), A endometriose (luns 9 de marzo de 16.30 a 20.30 horas) e Detección precoz de cancro de mama (o luns 16 de marzo de 16.30 a 20.30 horas).
As Inscricións xa están abertas e poden facerse no 664 185 489 ou a través da páxina web da Escola Galega de Saúde.
