A asociación empresarial Noia Histórica vai celebrar o San Valentín (14 de febreiro) reivindicando o comercio local e as múltiples vantaxes (económicas, si, pero tamén sociais e culturais) de mercar en clave de proximidade. Baixo o lema Porque o amor tamén se celebra na fin do mundo, a patronal noiesa vai sortear unha experiencia romántica no Faro de Fisterra para “compartir momentos inesquecíbeis coa nosa persoa especial”, informou Noia Histórica. Para participar, as persoas interesadas teñen que rexistrar os seus tíckets de compra nos establecementos locais entre o 4 e o 14 de febreiro, a través do QR incorporado no cartel da campaña. Esta ten o apoio do Concello, a Xunta e Comercio Galego.
