Galicia iniciará o mes de marzo baixo a influencia das altas presións, deixando unha xornada de tempo seco que se fará notar especialmente nas Rías Baixas e na área de Santiago. /(1ro de marzo celebran David e Rosendo)
Nas comarcas do litoral pontevedrés e do Barbanza e Muros-Noia, así como en Compostela e a súa contorna, os ceos presentarán nubes de tipo medio e alto que non impedirán o paso do sol, permitindo amplos períodos de luz ao longo do día. A estabilidade será a nota predominante, sen previsión de precipitacións.
Durante as primeiras horas da mañá poderán rexistrarse néboas en puntos do interior, especialmente en vales e zonas máis abrigadas da comarca compostelá, que tenderán a disiparse co avance da xornada.
En canto ás temperaturas, as mínimas manteranse sen cambios significativos, mentres que as máximas experimentarán un lixeiro ascenso. Isto traducirase nun ambiente máis suave nas horas centrais do día, con sensación case primaveral en zonas costeiras das Rías Baixas e no casco urbano de Santiago cando o sol gañe presenza.
O vento soprará frouxo e de dirección variable durante o día, predominando a calma, mentres que pola noite tenderá a fixarse do sur, mantendo a estabilidade atmosférica no inicio do mes.
O noco mar: Vento variable á mañá, do sudoeste á tarde e do sur á noite, forza 1 a 2 á mañá, 2 a 4 á tarde e 4 a 6 á noite. Mar rizado á mañá, mar ovellado á tarde e forte marusía á noite. Visibilidade regular á mañá e boa á tarde e á noite. Mar de fondo do noroeste, con ondas de 1.5 a 2.5 metros.
