O director xeral de Pesca, Acuicultura e Innovación Tecnolóxica, Isaac Rosón, mantivo este luns 9 de febreiro una reunión coa Asociación Galega de Carpintería de Ribeira (AGALCARII), na que ambas as partes analizaron o estado actual do sector e estudaron liñas de colaboración en prol da preservación e promoción do patrimonio marítimo galego, en termos de adaptación ás novas tecnoloxías e á apertura de mercados.
AGALCARI ten un papel destacado na conservación dos oficios tradicionais vinculados ao mar, destacando a súa contribución á identidade cultural de Galicia, á xeración de emprego e á transmisión de coñecementos ás novas xeracións; un obxectivo que conta coa colaboración da Consellería do Mar, a través de distintos programas e liñas de apoio económico e técnico.
A reunión enmarcouse na vontade da Administración autonómica de “manter un diálogo permanente co tecido asociativo vinculado ao mar que, neste caso, está dirixido a garantir a protección, valorización e proxección da potencialidade do legado tradicional marítimo das rexións costeiras”, explicaron dende a Consellería.
