Manuel Iglesias, da familia dos históricos fotógrafos ribeiráns Lesmes (e de Lesmes Estudios), volveuno facer. Segundo puidemos saber, vén de ser proclamado por cuarta vez mellor fotógrafo de España na modalidade de vodas, no certame convocado novamente pola federación estatal de profesionais (a FEPF)).
Nos galardóns, que se entregaron este domingo 22 de febreiro na Coruña, tamén foi distinguida Flora Iglesias, irmá de Manolo, pola escolma de imaxes que achegou nas que se reflicte a súa heroica pelexa contra a enfermidade do cancro.
Polo que respecta á foto que inclinou a balanza a favor do fotógrafo de Ribeira, trátase dunha imaxe na que figura unha parella de noivos tras un veo bicándose na parte traseira dun vehículo.
Como lembraremos, Iglesias foi elixido mellor fotógrafo de vodas de España en tres ocasións anteriormente, nos anos 2019, 2020 e 2024.
