Noia acolleu este domingo 22 de febreiro a I Andaina da Liga de Andainas 2026.
Máis de 700 persoas participaron neste percorrido dobre, con opcións de 15 km e 25 km, convertendo a vila noiesa na sede da primeira proba da Liga de Andainas organizada pola Federación Galega de Montañismo.
A iniciativa veu da man do Concello de Noia, o Club Trabandainas e a Federación Galega de Montañismo.
O Concello explicou que se trata dunha cita que combinou “sendeirismo, deporte, natureza e a posta en valor da nosa contorna”.
Como dixemos, a andaina formou parte da Liga Galega de Sendeirismo. Constará de dúas rutas, unha longa de 25 quilómetros e outra curta de 15, con punto de saída e chegada para as dúas no IES Campo de San Alberto.
O Concello agradeceu a implicación do Club Trabandainas polo “seu traballo e implicación, e por seguir apostando por actividades que fomentan hábitos saudábeis e dinamizan o noso municipio”.
O primeiro posto na categoría masculina foi para Juan José Balado Fernández, cun tempo de catro horas e seis segundos. En feminina a primeira foi Begoña Torrado Mariño, cun tempo de catro horas e 12 segundos. Os resultados xerais pódense consultar en liña ao completo.
