Estes domingo 15 de febreiro celebrouse en Noia, no Pavillón Municipal Agustín Mourís, o Campionato Galego Xunta de Galicia de Remo Ergómetro, un evento deportivo que bateu récords de asistencia e repercusión con máis de 1.100 persoas participantes.
Segundo informou o Concello de Noia, a xornada converteu Noia no epicentro do remo (en terra), reunindo deportistas, clubs e afeccionados nun ambiente espectacular.
A concelleira de Deportes, Sandra González, quixo felicitar ao Clube Mar de Noia pola “magnífica organización deste evento, que non só fomenta o deporte base e de competición, senón que tamén dinamiza economicamente e socialmente a nosa vila”.
O remo ergómetro, para quen non o saiba, consiste en practicar remo en terra, por medio de máquinas avanzadas que contribúen a impulsar a forma física das e dos deportistas coa vantaxe de non ter que sufrir as inclemencias climáticas provocadas polos temporais no mar.
Na categoría absoluta feminina, de 2.000 metros, a gañadora foi Gemma González Vicente, do Robaleira, con 7:13.80.
Na modalidade masculina absolta impúxose Artai Formoso, cun tempo de 6:18.00.
