As comarcas das Rías Baixas e de Santiago afrontarán unha xornada marcada pola inestabilidade coa entrada dunha fronte polo oeste de Galicia, que deixará unha mañá de ceos cubertos e chuvias xeneralizadas.
Durante as primeiras horas do día, as precipitacións serán persistentes, especialmente no litoral atlántico e na área de Compostela. Co avance da tarde, a situación tenderá a mellorar de forma progresiva, quedando as chuvias en forma de chuvascos ocasionais e máis dispersos.
No que respecta ás temperaturas, as mínimas manteranse sen cambios significativos, mentres que as máximas experimentarán un moderado descenso, deixando unha sensación térmica máis fresca que en xornadas anteriores( 6-15 graos).
Os ventos soprarán moderados en xeral, de compoñente suroeste pola mañá, rolando a noroeste tras o paso da fronte, o que favorecerá a apertura de claros cara ao final do día.
O noso mar; Vento do sudoeste á mañá, do noroeste á tarde e do norte á noite, forza 3 a 4 á mañá e á noite e 3 a 5 á tarde. Marusía. Visibilidade regular á mañá e boa á tarde e á noite. Mar de fondo do noroeste, con ondas de 1 a 2 metros á mañá, 2 a 3 metros á tarde e 2.5 a 3.5 metros á noite.
