Novamente o IES de Porto do Son participou con éxito na Olimpíada de Xeoloxía (XVII edición) celebrada o pasado 4 de febreiro en Santiago (e tamén no Xeoparque de Cabo Ortegal, Monforte e Vigo). Desta volta, as alumnas de 1°de Bacharelato fixeron un excelente traballo, ao mesmo nivel que compañeiros de olimpíadas anteriores.
As novas investigadoras Zoe, Aitana e Raquel conseguiron o Premio ao Mellor Equipo, e Uxía, Marigabi, Lara e María estiveron moi preto obtendo moi bos resultados.
A XVII Olimpíada de Xeoloxía é una actividade convocada pola AEPECT (Asociación Española para la Enseñanza da Ciencias de la Tierra), a Sociedade Española de Xeoloxía e o Colexio Oficial de Xeólogos.
A organización agradeceu o labor e implicación de tódalas persoas que fixeron posíbel novamente esta xornada xeolóxica: alumnado participante, profesores acompañantes, vixiantes e correctores, compañeiros e compañeiras pensantes de probas e test e, tamén, o persoal das diferentes entidades que nos proporcionan a plataforma para a realización da proba.
Equipos gañadores da sede de Santiago
PREMIO AO MELLOR EQUIPO: Zoe Fernández Santos, Aitana Ventoso Armental, Raquel Rego Gago (IES Porto do Son) e Mónica Liñares González (2º de BACH do IES Plurilingüe Rosalía de Castro de Santiago).
PREMIO ACCÉSIT 4º ESO: Martiño Lorenzo Faraldo, do IES Plurilingüe de Ames, de Bertamiráns.
3º PREMIO: Lara Villaverde Ferreirós, de 2º de BACH do IES de Valga.
2º PREMIO: Daniel Vázquez Iglesias, de 2º de BACH do IES Eduardo Pondal de Santiago.
1º PREMIO: Mónica Liñares González, de 2º de BACH do IES Plurilingüe Rosalía de Castro de Santiago.
