O sábado 28 de febreiro temos en Rianxo unha espectáculo teatral familiar moi axeitado para a rapazada: Pum! Pum! Quen hai?, a cargo de Ártica Compañía. Será a partir das 19.00 horas na Sala Arcos Moldes do Auditorio de Rianxo. Trátase dunha peza recomendada para nenas e nenos de máis de 4 anos, de 45 minutos de duración. A entrada é de balde ata completar capacidade, con recollida de convites dende unha hora antes do comezo da función (máximo 2 por persoa).
Organiza o Concello de Rianxo ao abeiro da programación da Rede Cultural da Deputación da Coruña.
“Pum! Pum! Quen hai?”, de Ártika Cía (Vigo), é un aclamado espectáculo de teatro de animación e comedia musical infantil, finalista nos Premios María Casares 2025. Cóntanos a historia de Gaia, unha nena moi inquieta comparte con nós o xogo máis xogado da súa aldea mentres nos explica a tolemia que asolou na súa aldea a primeira vez que chegaron novos veciños.
Unha divertida comedia musical onde cantaremos, bailaremos e riremos a esgalla coa tía Maruxa e a súa graza natural e con don Rosmón (don Ramón).
