A Deputación da Coruña vén de aprobar provisionalmente a concesión de subvencións do programa FO216, dirixido a concellos e entidades locais para financiar os gastos de persoal técnico encargado da atención de museos e centros museísticos ao longo de 2026. Un total de 20 concellos resultan beneficiarios destas axudas, que suman 399.088 euros e teñen como finalidade reforzar a atención ao público, a dinamización cultural e a correcta xestión dos equipamentos museísticos municipais.
Os concellos beneficiados son A Laracha, A Pobra do Caramiñal (Museo Valle-Inclán), Betanzos, Boiro (Centro Arqueolóxico de Neixón e Pazo de Goiáns), Camariñas, Carballo, Carnota (Caseta de Pepe do Curro), Cerceda, Laxe, Lousame (Minas de San Finx), Moeche, Muros (Centro de interpretación do Muíño de Marea), Oleiros, Outes, Ponteceso, Porto do Son (Museo Marea), Rianxo (Museo do Mar), Ribeira (Museo Municipal de Ribeira), Valdoviño, Vimianzo. Poderán destinar este apoio ao mantemento e contratación de persoal técnico para os seus centros museísticos, museos locais, centros de interpretación ou ecomuseos.
Con estas axudas, a Deputación da Coruña continúa a súa aposta por consolidar e promover a oferta cultural da provincia, apoiando directamente os gobernos locais na xestión dos recursos humanos necesarios para a atención dos seus espazos museísticos ao servizo da cidadanía e da dinamización cultural.
Para consultar a listaxe completa de concellos beneficiados e os importes asignados a cada un, pódese consultar a resolución íntegra no Boletín Oficial da Provincia.
