O sábado 14 de febreiro a Casa da Cultura de Outes acollerá o espectáculo Cirkote, a cargo de Kote Malabar. Será ás 19.00 horas, con entradas da dispoñíbeis na Casa da Cultural ou a través da web bandoticket.com.
Cirkote é un espectáculo de circo de rúa e teatro, malabares e humor, sobre todo moito humor.
Kote Malabar leva preto de 20 anos facendo rir e gozar a todo tipo de públicos en infinidade de actuacións por festas, feiras, festivais e demais actos lúdicos e de entretemento. No espectáculo que vai representar en Outes combina técnicas de circo, clown e teatro cómico e de participación, nunha relación directa actor-público.
A peza foi distinguida co Premio Manuel Lago de recoñecemento e impulso do novo circo galego 2025. Trátase dun espectáculo recomendado para público infantil e familiar (para maiores de 4 anos).
