A AEP (Asociación de Empresarios e Comerciantes de Portosín) organiza a súa festa do Entroido este 15 de febreiro, domingo. A axenda inclúe un concurso infantil de disfraces e unha degustación de doces típicos e tradicionais destas festas (fillas e chocolate). O programa tamén inclúe actividades de animación infantil “para os reis e raíñas da casa”, como por exemplo obradoiros creativos para a rapazada. A celebración do Entroido en Portosín dará comezo ás 17.00 horas do domingo, na praza do Curro. Organiza a AEP coa colaboración do Concello de Porto do Son e o apoio da Deputación.
