Unha fronte activa atravesará Galicia durante a segunda metade da xornada do xoves 22, San Anastasio e San Vicente. Durante a mañá predominarán os intervalos nubrados, con posibilidade dalgúns chuvascos illados. Co avance do día, a situación meteorolóxica empeorará notablemente, dando paso a unha tarde desapracible, con ceos moi nubrados e precipitacións xeneralizadas, que serán máis frecuentes e intensas no sur e oeste da Comunidade.
A cota de neve descenderá progresivamente ata situarse arredor dos 600-700 metros ao final do día. As temperaturas experimentarán un lixeiro descenso, tanto nas máximas como nas mínimas.
Os ventos soprarán do sur-suroeste moderados durante a mañá, pero incrementarán a súa intensidade pola tarde co paso da fronte, sendo fortes en xeral e con refachos moi fortes no litoral e nas zonas altas do interior.
O noso mar; Temporal marítimo e refachos superiores os 80 km/h no litoral e nas zonas altas.
Vento do sudoeste á mañá, do sudoeste á tarde e do oeste á noite, forza 3 a 4 á mañá, 6 a 8 á tarde e 7 a 8 á noite. Marusía á mañá, media vaga á tarde e vaga á noite. Visibilidade regular. Mar de fondo do noroeste á mañá e á tarde e oeste á noite, con ondas de 6 a 6.5 metros á mañá, 3 a 4 metros á tarde e 1 a 2 metros á noite.
