ULA Libraría Social, con sede na rúa da Capela da Serra de Outes, organiza este 30 de xaneiro a primeira sesión do seu Club de Lectura autoxestionado e xuvenil, impulsado pola veciña Valeria Martí. Dará comezo ás 19.30 horas na sede da libraría e con esta actividade preténdese afianzar nos saudábeis e enriquecedores hábitos da lectura ás mozas e mozos do concello de idades comprendidas entre os 10 e os 17 anos. O obxectivo do obradoiro é organizar lecturas conxuntas de libros concretos, actividades de escritura e mesmo traballos manuais relacionados cos libros.
Como dixemos a primeira sesión deste Club de Lectura será o 30 de xaneiro á 19:30 na ULA Libraría Social.
Inscricións enviando un Whatsapp ao 659 17 78 29 ou en tenda.
