A Policía Local de Noia informou da recuperación este sábado dunha serie de obxectos supostamente furtados en coches ao longo dos días pasados. Segundo explicaron os axentes, “na tarde deste 17 de xaneiro e grazas a colaboración cidadá, a Policía Local de Noia xunto con axentes do posto da Garda Civil de Noia procederon á recuperación de catro pares de gafas de sol que puideran ser furtadas no interior de vehículos nas últimas datas”.
O suposto autor foi identificado e xa se ten constancia de titularidade dunha delas, feitos polos que se procederá a instrución de dilixencias policiais.
A Policía Local de Noia fixo un chamamento aos cidadáns para que no caso de “teren sido obxecto dalgún feito destas características na nosa localidade, contacten coa Policía co fin de acreditar a súa titularidade e interpor a correspondente denuncia para a recuperación do obxecto”.
