Un total de 500 centros educativos desenvolven este curso clubs de lectura co apoio da Xunta, o que supón un aumento de case o 10% tras a incorporación de 51 novos colexios e institutos. Esta iniciativa, enmarcada no Plan LÍA (Lectura, Información, Aprendizaxe) de bibliotecas escolares da Consellería de Educación, Ciencia, Universidades e FP, ten como obxectivo “fomentar este hábito entre o alumnado de todas as idades, promovendo tamén a participación de outros membros da comunidade educativa como as familias nesta experiencia”.
Ademais, estimúlase o uso da radio e das novas Tecnoloxías de Comunicación e da Información de forma natural nas súas actividades (blogs, vídeos, booktrailers, redes sociais, presentacións…), así como dos dispositivos dixitais de lectura.
Poden participar no programa tanto os centros de Educación Infantil e Primaria como os de Secundaria, os colexios rurais agrupados, os de Educación Especial, os de FP, os centros de adultos e os centros de ensinanzas de réxime especial (conservatorios e escolas de idiomas).
Por provincias, 189 dos centros integrados no programa son da Coruña (24 de nova incorporación este curso), 70 de Lugo (seis novos), 57 de Ourense (tres novos) e 184 de Pontevedra (18 novos). A relación completa de centros participantes pode consultarse na resolución no Portal Educativo.
Os centros de nova incorporación son os reflectidos na seguinte listaxe:
Provincia da Coruña
-A Coruña
CEIP Plurilingüe Concepción Arenal
-Ames
CEIP Agro do Muíño
-Arteixo
CEIP de Arteixo
-Arzúa
CEIP de Arzúa
-As Pontes de García Rodríguez
CEIP Plurilingüe Santa María
-Betanzos
IES Francisco Aguiar
-Brión
IES Brión
-Cambre
CEIP Portofaro
-Carballo
CEIP Xesús San Luís Romero
-Cerceda
CPI Plurilingüe O Cruce
-Corcubión
CEIP Praia de Quenxe
-Culleredo
CEIP Plurilingüe Sofía Casanova
-Culleredo
CEIP Isaac Díaz Pardo
-Ferrol
CIFP Leixa
-Malpica de Bergantiños
CEIP Milladoiro
-Muros
CEIP Plurilingüe de Louro
-Narón
CEIP A Solaina
-Narón
CPI do Feal
-Oroso
IES de Oroso
-Rianxo
CEIP Alfonso D. Rodríguez Castelao
-Santiago de Compostela
CEE A Barcia
-Santiago de Compostela
IES de Sar
-Sobrado
CEIP Plurilingüe Virxe do Portal
-Val do Dubra
CPI de Bembibre
Provincia de Lugo
-Antas de Ulla
CEIP Plurilingüe de Antas de Ulla
-Burela
CEIP Plurilingüe Os Castros
-Chantada
IES Lama das Quendas
-Foz
IES de Foz
-O Vicedo
CEIP do Vicedo
-Xermade
CEIP Plurilingüe de Xermade
Provincia de Ourense
-Ourense
IES Eduardo Blanco Amor
-Ourense
CEIP Plurilingüe Irmáns Villar
-Vilamarín
CIFP de Vilamarín
Provincia de Pontevedra
–A Guarda
CEIP Manuel Rodríguez Sinde
-Agolada
CEIP Plurilingüe de Agolada
-Baiona
CEIP Plurilingüe de Belesar
-Cangas
CEIP Plurilingüe do Castrillón-Coiro
-Marín
IES Illa de Tambo
-Marín
CEIP Plurilingüe da Laxe
-Mondariz-Balneario
CEIP Mondariz-Balneario
-Mos
CEIP Plurilingüe Pena de Francia
-Nigrán
CEE de Panxón
-O Porriño
CEIP Plurilingüe da Ribeira
-O Porriño
CEIP Plurilingüe Xosé Fernández López
-Poio
CEIP de Espedregada
-Pontevedra
EPAPU Río Lérez
-Tomiño
CEP Plurilingüe Pedro Caselles Beltrán
-Tui
CEIP Plurilingüe de Guillarei
-Vigo
IES Álvaro Cunqueiro
-Vigo
IES de Beade
-Vilaboa
CPI do Toural
Bibliotecas solidarias
Dende a Consellería de Educación lembran que algúns clubs de lectura establecen liñas de colaboración con bibliotecas públicas e entidades culturais do seu medio máis próximo, así como con centros de persoas maiores e outros espazos cidadáns.
Seguindo o anterior fío, a Consellería promove tamén o programa Bibliotecas Escolares Solidarias, en colaboración coa Consellería de Cultura, Lingua e Xuventude. Este curso participan 245 centros educativos de Infantil, Primaria, Secundaria e ensinanzas de réxime especial, case un 5%.
Por provincias, participan 102 centros da Coruña, 28 de Lugo, 24 de Ourense e 91 de Pontevedra. A relación completa de centros pode consultarse no Portal Educativo.
A iniciativa busca estimular o voluntariado cultural nas bibliotecas e a lectura entre o alumnado. Para iso impúlsase tanto a colaboración dos estudantes no funcionamento da biblioteca como o desenvolvemento de lecturas compartidas, tanto dentro do centro como fóra (en outros colexios, nas residencias de maiores, nos hospitais…).
