O vindeiro martes 13 de xaneiro levarase a cabo a primeira actividade do ano do Programa de Promoción da Saúde en Muros, impulsado polo Concello ao abeiro da súa participación na Rede Galega de Promoción da Saúde (REGAPS) e co obxectivo de “fomentar os hábitos de vida beneficiosos na veciñanza en áreas como a actividade física, a alimentación saudábel e o benestar emocional”.
O próximo martes 13 de xaneiro comezan as actividades do programa, cunha sesión informativa sobre recomendacións de actividade física para o adulto maior:
-Ás 09:30 horas, na Casa da Sociedade de Esteiro.
-Ás 11:15 horas no Local de Servizos Sociais de Muros.
No marco desta actividade, todos os martes das semanas posteriores promoveranse paseos saudábeis de 1 hora de duración polas contornas de Esteiro (de 09:30 a 10:30 horas) e Muros (de 11:15 a 12:15 horas).
“A nosa veciñanza poderá realizar actividades físicas e asistir a sesións formativas sobre alimentación saudable, hixiene do sono e benestar emocional, entre outras temáticas”, explica a alcaldesa de Muros, María Lago.
O concelleiro de Servizos Sociais, Mario Martínez Lago, confía “na consolidación desta iniciativa, fomentando en Muros os hábitos de vida saudables”.
Para inscricións e máis información, as persoas interesadas deben poñerse en en contacto cos Servizos Sociais de Muros (rúa Rosalía de Castro, n.º 30); no teléfono 981 76 24 65 ou a través do enderezo electrónico servizos.sociais@muros.gal.
