No marco das actividades de xaneiro do Ano Castelao 2026 organizadas polo Concello de Rianxo, o sábado 17 de xaneiro levarase a cabo unha función teatral no Auditorio Municipal, a cargo do Grupo de Teatro Municipal de Ribeira. Trátase do espectáculo Criaturas, que dará comezo ás 20.30 horas na Sala Arcos Moldes. Será de balde ata completar a capacidade do auditorio (con retirada de convites dende unha hora antes do comezo do concerto na billeteira do auditorio).
O Grupo de Teatro Municipal de Ribeira está dirixido por Óscar Romero. O espectáculo está baseado no texto da compañía catalá T de Teatre, de xénero cómico; e na montaxe participan unha trintena de artistas.
