O domingo 25, Santa Elvira, presentarase como unha xornada de transición, á espera da chegada dunha nova fronte que avanzará durante a madrugada. Ao longo do día agárdanse ceos parcialmente nubrados e chuvascos, que serán máis activos durante a mañá, cando incluso poderán ser localmente tormentosos.
Co avance da tarde, as precipitacións tenderán a ir remitindo, dando paso a unha situación algo máis estable.
As temperaturas experimentarán un ascenso xeral, máis acusado no caso das mínimas. En canto ao vento, soprará do oeste de intensidade moderada, con intervalos fortes no litoral norte.
O noso mar; Vento do oeste á mañá, do noroeste á tarde e do sur á noite, forza 6 a 7 á mañá, 3 a 4 á tarde e 4 a 6 á noite. Media vaga á mañá, marusía á tarde e forte marusía á noite. Visibilidade regular á mañá, boa á tarde e mala á noite. Mar de fondo do noroeste, con ondas de 3 a 4 metros á mañá, 5 a 6 metros á tarde e 4 a 5 metros á noite.
