O Concello de Muros vén de facer un chamamento á cidadanía para lembrarlle a dispoñibilidade da canle municipal de Whatsapp, Muros Hoxe, que achega unha serie de vantaxes comunicativas importantes sobre a actividade municipal. En concreto, a veciñanza pode coñecer as convocatorias, a axenda de actividades, os avisos urxentes, as obras e as últimas iniciativas municipais, que son algunhas das novidades que se envían por mensaxe. No caso de desexar recibir comunicacións, as persoas interesadas teñen que agregar aos seus contactos o número 626 86 12 70 e enviar unha mensaxe de WhatsApp a ese mesmo número coa palabra “ALTA”. A partir de aí, comezarán a recibir en cadanseu móbil as novidades do Concello.
