O Concello de Dodro organiza este mes de febreiro unha excursión ó Entroido de Laza e Xinzo de Limia: unha viaxe aos entroidos máis tradicionais de Galicia para coñecer de preto aos peliqueiros de Laza e ás pantallas de Xinzo. Será o vindeiro 14 de febreiro. O prezo de 28 euros inclúe un almorzo especial de cocido en Allariz. A saída será as oito da mañá do concello. As inscricións entre o 3 e o 9 de febreiro. Quen precise máis información pode acudir ao Departamento de Asuntos Sociais do Concello de Dodro, en horario de 9:00 a 14:00 horas de luns a venres e no teléfono 981 802 466.
