O Concello de Boiro vai levar a cabo durante o primeiro semestre do ano 2026 un novo programa de accións formativas para persoas desempregadas nas especialidades de Operacións Básicas de Cociña e Operacións Básicas de Restaurante e Bar. O prazo de inscrición está aberto e toda a información para matricularse na web municipal ou no departamento de Orientación Laboral.
Ambas as dúas especialidades comezan o 9 de marzo de forma presencial no Centro de Formación, Innovación, Emprego e Emprendemento do Concello de Boiro, situado no Polígono de Espiñeira. Operacións Básicas de Cociña será de 350 horas de duración e desenvolverase en horario de 9.00 a 14.00 horas ata o 7 de xullo de 2026. A formación en Operacións Básicas de Restaurante e Bar será de 290 horas de formación e desenvolverase en horario de 15.00 a 20.00 horas ata o 21 de xuño de 2026.
As formación completarase coa realización dun módulo de Prevención de Riscos Laborais de 60 horas e con outro módulo de inserción, orientación laboral e igualdade de xénero de 18 horas. As prazas están limitadas a 15 por curso e para acceder non hai requisitos académicos ao ser certificados de profesionalidade de nivel 1.
As formacións son gratuítas e implican a realización de prácticas en empresas; está dirixidas prioritariamente a persoas traballadoras desempregadas inscritas como demandantes de emprego no Servizo Público de Emprego de Galicia e a súa situación laboral como non ocupada.
A inscrición pode facerse directamente na Oficina Virtual de Emprego ou mediante o departamento de Emprego do Concello de Boiro, de forma presencial en Orientación Laboral, no teléfono 981 84 26 09 ou no enderezo electrónico emprego@boiro.gal.
