O martes 27 estará caracterizado por unha forte inestabilidade atmosférica debido á rápida formación dunha borrasca ao noroeste de Galicia e á entrada de aire frío en altura. Esta situación deixará unha xornada de chuvascos xeneralizados, localmente tormentosos, que poderán vir acompañados de sarabia.
A cota de neve situarase entre os 600 e os 800 metros, mentres que as temperaturas experimentarán un descenso en toda a comunidade (5 graos mímima e 12 de máxima). O vento soprará do suroeste, moderado en xeral, con intervalos fortes.
No litoral, a situación marítima será adversa, con vento forte e refachos moi fortes, especialmente na zona de Estaca de Bares, onde se recomenda extremar as precaucións.
O noso mar: Vento do oeste á mañá, do oeste á tarde e do sur á noite, forza 4 a 5 á mañá, 5 a 7 á tarde e 6 a 8 á noite. Forte marusía á mañá, media vaga á tarde e vaga á noite. Visibilidade mala. Mar de fondo do oeste, con ondas de 4 a 6 metros á mañá e 5 a 7 metros á tarde e á noite.
