Tanto en Rías Baixas como en Santiago de Compostela, o tempo será frío con ceos pouco nubrados ou despexados, e sen choivas importantes durante a noite e primeiras horas da mañá. As temperaturas manteranse baixas, propias desta época do ano (3 a 13 graos),
Este domingo, Galicia situarase nun corredor de ventos do norte pola entrada das altas presións. Esta situación deixará ceos con maior presenza de nubes nas provincias de Ourense e Lugo, onde se agardan precipitacións máis persistentes na Mariña lucense e máis ocasionais nas zonas de montaña.
Nas primeiras horas do día, as chuvias poderán ser en forma de neve en cotas arredor dos 1.000 metros. As temperaturas non experimentarán cambios significativos, aínda que se prevén lixeiros ascensos puntuais.
O vento soprará moderado de compoñente norte, perdendo intensidade progresivamente ao longo da xornada.
O noso mar; Vento do norte á mañá e á tarde e variable á noite, forza 3 a 4 á mañá e á tarde e 2 a 3 á noite. Marusía á mañá e á tarde e mar ovellado á noite. Visibilidade boa. Mar de fondo do noroeste, con ondas de 1.5 a 2.5 metros á mañá e 1 a 2 metros á tarde e á noite.
