O conselleiro de Presidencia, Xustiza e Deportes, Diego Calvo, mantivo senllas reunións coa alcaldesa de Ribeira, María Sampedro, e co alcalde de Ordes, José Luis Martínez Sanjurjo, así como coa concelleira de Política Social, Igualdade, Diversidade, Educación e Traballo e presidenta da Mancomunidade de Concellos da Comarca de Ordes, Susana García.
Durante ambos os encontros analizáronse as principais necesidades dos respectivos municipios e avaliáronse posibles vías de colaboración institucional, no marco do compromiso da Xunta de Galicia co apoio ás entidades locais.
Estas reunións enmárcanse na vontade do Goberno galego de reforzar a cooperación cos concellos, co obxectivo de impulsar actuacións que contribúan á mellora dos servizos públicos e ao desenvolvemento territorial.
