O Concello de Noia emitiu un aviso importante sobre novos cortes de tráfico na localidade. Explica que a empresa CRC está a realizar unha obra de mellora da instalación eléctrica na zona da rúa Travesía e na corredoira Luis Cadarso, unha intervención terá dúas consecuencias principais na circulación: por unha banda, ata pasado esta fin de semana, a rúa Travesía (O Ramal) permanecerá pechada ao tráfico, tendo que acceder á corredoira Luis Cadarso pola entrada da Porta da Vila; e pola outra, unha unha vez reaberta a rúa Travesía, o que ficará pechado será o treito desde a Travesía ata o final da Corredoira Luis Cadarso, que seguirá cortado ao tráfico ata a finalización da obra, cunha duración estimada de aproximadamente tres semanas. O Concello explicou tamén que lamenta as molestias e agradece a compresión da veciñanza e que “estamos en interlocución constante coa empresa CRC para tratar de minimizar o impacto na vida dos veciños e veciñas, valorando distintas alternativas para ir paliando a situación”.
