Non son todos máis sí varios os bispos españois que critican a iniciativa do Goberno de proceder á regularización extraordinaria de migrantes.
A decisión gobernamental, adoptada polo Executivo o pasado martes, atópase na actualidade co muro de parte da igrexa española que entende que “todos” os migrantes “non caben” en España. E baseándose nesta premisa proclaman “urbi et orbi” a necesidade de que se apliquen “medidas sensatas” fronte a esa regularización extraordinaria (que sería a sétima que se levaría a cabo en España por decisión dun Goberno democrático e teoricamente aconfesional que non se opón a que a igrexa empregue a vía da recadación anual do IRPF para recibir o “óbolo?” dos españois). Os bispos propoñen como aportación que os deputados e senadores debatan no Parlamento esa proposta “cos matices convintes”.
Os bispos españois que agora se pronuncian en contra da regularización sinalada debían estar no seminario ou exercendo como párrocos nalgunha igrexa cando outros compañeiros seus compaxinaban esta tarefa co exercicio de “cura obreiro” ou profesor de latín en calquera Instituto ou academia de España aos que nunca, con Franco no poder, se lles escoitou unha opinión en relación cos milleiros de migrantes españois que exercían a súa profesión/oficio en Suiza, Cuba, Alemaña, Francia, Inglaterra, Brasil, Estados Unidos de América, Uruguay, etc., a onde eles, sacerdotes españois, acodían para, como tais curas obreiros, exercer de ambas as cousas: cura e obreiro.
Preguntarían algunha vez se ese exercicio en Europa ou América amolaba aos traballadores locais ou aos seus compañeiros de igrexa?. Por que nunca, ata o de agora, se escoitou a queixa da igrexa española sobre os efectos dos migrantes españois nos planteis de traballadores dos países receptores de migrantes de España?.
En España “non caben” todos os migrantes -pouco máis de medio millón- que se tenta regularizar polo Goberno de xeito extraordinario nun breve prazo de tempo, sabendo como saben os bispos que, en calquera caso, son migrantes que xa están aquí, que non van disputar un posto de traballo aos españois nen votar a prol de partidos nos vindeiros catro ou cinco anos. Que lles doe neste momento, para saír con tal tipo de propostas?. Acaso temen que lle disputen as innumerábeis parroquias carentes en España de curas párrocos.
Os bispos queren que se apliquen medidas sensatas, non populistas nen demagóxicas e mesmo acusan ao Goberno de “utilizar como moeda de cambio” aos migrantes.
Os españois migrantes que foron para a igrexa a través da súa organización ou oficina de migración con delegacións en Suíza, Francia, etc.?.
A Deus o que é de Deus, monseñor?…
