Volven a Rianxo os cursos de poda e enxerto, unha actividade organizada polo Concello que conta con moita demanda e que se leva a cabo aproveitando a época idónea para poñer a punto as plantacións domésticas. Haberá dúas quendas: unha primeira o 14 de febreiro en Asados e unha segunda o 21 de febreiro en Taragoña.
Os cursos realizaranse de 10:00 a 13:00 horas. As prazas son limitadas e terán preferencia as persoas empadroadas en Rianxo. Para inscribirse hai que chamar ao teléfono 694 302 584 de 9:00 a 14:00 horas ata o 30 de xaneiro.
