Galicia situarase este xoves 29, nunha posición intermedia entre as altas e as baixas presións, unha situación que favorecerá a entrada de ventos de compoñente marítimo. Esta configuración traerá consigo unha xornada de ceos con intervalos nubrados e chuvascos, que serán máis probables na metade oeste da comunidade e nas zonas de maior altitude.
Co avance da tarde, as precipitacións tenderán a estenderse de maneira xeneralizada a todo o territorio galego. Nas cotas máis altas, especialmente nos cumios, as precipitacións poderán caer en forma de neve.
No que respecta ás temperaturas, agárdase un lixeiro a moderado ascenso. Pola súa banda, os ventos soprarán do oeste-suroeste, moderados durante a maior parte do día, aínda que pola tarde poderán rexistrarse refachos fortes en todo o territorio.
O noso mar: Vento do oeste á mañá e do sudoeste á tarde e á noite, forza 4 a 5 á mañá, 6 a 7 á tarde e 5 a 6 á noite. Forte marusía á mañá e á noite e media vaga á tarde. Visibilidade regular. Mar de fondo do oeste, con ondas de 4 a 5 metros á mañá, 2 a 3 metros á tarde e 5 a 5.5 metros á noite.
