Este sábado 31 de xaneiro, ás 19:30 horas, a Casa da Cultura de Porto do Son acollerá a proxección da curtametraxe Adeus Berta, que incluirá un encontro-coloquio co director Fernando Tato e coa actriz Gemma do Carmo.
Adeus Berta é unha curta de Fernando Tato escrita por Ángela Andrada protagonizada pola propia Ángela Andrada e por Gemma do Carmo (veciña da Pobra do Cararmiñal).
Trátase dunha curtametraxe rodada no concello da Pobra do Caramiñal.
A peza cóntanos a historia de Alicia, que chega a casa dos seus pais na Pobra do Caramiñal para elixir a roupa que levará a súa nai no velorio. Alí reencóntrase coa súa irmá Berta, que acaba de saír do centro de rehabilitación onde está ingresada. Nesta situación, Alicia acaba por mudarse á Pobra, escenario do reencontro e tamén lugar onde ambas as irmás terán que curar as súas vellas feridas.
Dirección | Fernando Tato
Guión | Ángela Andrada
Género | Ficción, drama, comedia
Duración | 17:42 min
