O Concello de Rianxo celebrou cunha gran festa, o pasado sábado 6 de decembro, o acendido das luces de Nadal. Houbo diversión para os máis pequenos e pequenas da casa, moita música e unha visita moi especial: a visita de Papá Noel no Pazo de Martelo a partir das 20.30 horas. As celebracións concentráronse no Auditorio Municipal, debido ao mal tempo e ao temporal (inicialmente estaban previstas para a céntrica praza de Castelao). A axenda incluíu un espectáculo infantil (Rogelio, un pallaso en recuperación, ás 17:30 horas) e un concerto de Cherry Sweet. Logo da visita de Papá Noel levouse a cabo o acendido das luces cunha conta atrás na Casa Consistorial.
As celebración contaron coa presenza do alcalde, Julián Bustelo, e das e dos integrantes da Corporación rianxeira, acompañadas/os do rexedor padronés, Anxo Arca.
Julián Bustelo destacou que o Nadal en Rianxo conta dende esta finde coa árbore natural máis alta de España. Está situado na parroquia de Asados, preto da igrexa, e trátase dun abeto de 30 metros de altura.
