Dotacións de garda do Servizo de Emerxencias e Protección Civil Municipal de Ribeira (GAEM de Ribeira) actuaron este 25 xoves día de Nadal na retirada dun elemento publicitario que provocaba inseguridade sobre a estrada: un letreiro de sinalización de grandes dimensións emprazada na contorna do Polígono de Xarás e que, segundo fixeron saber dende o GAEM, atopábase en risco de caída. No dispositivo tamén participou o Parque de Bombeiros de Ribeira, a Policía Local e o servizos de mantemento de estradas, mobilizados polo CIAE 112.
Ademais, Protección Civil de Ribeira tivo que intervir. xunto cos Bombeiros e mobilizado polo CIAE 112, para apagar un colector de lixo ardendo no lugar de Insuela. en Palmeira.
Este 25 de Nadal o Servizo de Emerxencias e Protección Civil foi mobilizado ademais pola Policía Local de Ribeira por mor dun decorado navideño fumegando na praza do Centenario, o cal procedeuse a deixar sen subministro eléctrico para evitar problemas de seguridade e males maiores.
Por outra banda, na madrugada do xoves 25 tamén foi requirida a presenza dos Bombeiros de Ribeira para a retirada dunha árbore que caeu na vía pública no Concello da Pobra do Caramiñal.
