O Concello de Rianxo está a impulsar a renovación do parque móbil da Policía Local.
En concreto, foi renovado un dos vehículos en modalidade de renting e adquiriuse outro en propiedade.
“Nos últimos anos víñamos gastando unha importante cantidade de diñeiro en reparacións pola antigüidade dos coches”, explicou o alcalde, Julián Bustelo, engadindo que “os vehículos están dotados de desfibriladores semiautomáticos, DESA”.
O xefe da Policía Local, Rafael Romero, indicou que “con esta renovación fai que dispoñamos de dous vehículos policiais totalmente equipados con todo material necesario para realizar o noso traballo”.
Entre este material cabe salientar que están dotados de sinalizacións luminosas prioritarias LED e outra sinalizacións circunstanciais complementarias, equipamentos para realizar probas de alcohol e drogas, diverso material de intervención policial, kit funcional de traslado de detidos, desfibriladores semiautomáticos (DESA), botiquíns de primeiros auxilios e extintores.
