O reverendo don Ricardo Villaverde Gondar, párroco de O Bo Pastor de Castiñeiras e de San Paio de Carreira, faleceu este domingo 21 de decembro de 2025 aos 89 anos de idade, confortado cos Santos Sacramentos e a Bendición Apostólica.
Don Ricardo desenvolveu unha ampla traxectoria pastoral ao servizo da Igrexa e das comunidades parroquiais que lle foron encomendadas, deixando unha fonda pegada entre os seus fregueses pola súa proximidade, dedicación e vocación de servizo. Ao longo dos anos foi unha figura moi querida e respectada, tanto no ámbito relixioso como humano. Profesor do Colexio Galaxia, foi coadxutor de Santa Uxía de Ribeira ata que en 1967 pasou a presidir a recén creada parroquia do Bo Pastor no que desenvolveu toda a súa vida pastoral.
O funeral de enterro celebrarase este martes 23, ás doce da mañá, na igrexa parroquial de O Bo Pastor de Castiñeiras, e estará presidido polo arcebispo, monseñor Francisco José Prieto. A continuación, os restos mortais recibirán sepultura no cemiterio parroquial de Ponte Ulla.
A capela ardente quedou instalada na igrexa parroquial de O Bo Pastor de Castiñeiras. Familiares, amizades e fieis pregán unha oración polo seu eterno descanso e agradecen as mostras de apoio e condolencias recibidas nestes momentos de dó.
O falecemento de don Ricardo Villaverde Gondar supón unha importante perda para a comunidade parroquial de Castiñeiras, Carreira e para todas aquelas persoas que compartiron con el o seu labor pastoral ao longo dos anos. D.E:P.
