Recuperará de maneira transitoria a influencia das altas presións. Agárdanse néboas localmente persistentes en comarcas do interior, mentres que no resto do territorio predominarán os ceos pouco nubrados, con presenza de nubosidade media e alta.
Co avance da tarde, aumentará a cobertura nubosa pola costa. As temperaturas mínimas experimentarán un lixeiro descenso, mentres que as máximas ascenderán. Os ventos soprarán de compoñente sur-suroeste, frouxos en xeral, aumentando a moderados no litoral durante a tarde.
O noso mar: Vento do nordés á mañá, do sur á tarde e do sur á noite, forza 2 a 3 á mañá, 1 a 3 á tarde e 4 a 6 á noite. Mar ovellado á mañá e á tarde e forte marusía á noite. Visibilidade boa. Mar de fondo do noroeste, con ondas de 3 a 3.5 metros á mañá e á noite e 2.5 a 3 metros á tarde.
