Este sábado 13 de decembro inaugúrase oficialmente a XXI Exposición da Camelia Sasanqua e outras do Concello de Boiro. Será a partir das 17.00 horas no Pazo de Goiáns e no local multiusos do Mercado Municipal. Participarán José Ramón Romero, alcalde, e María Outeiral, concelleira de Turismo.
17.00h – Plantación dun exemplar de Camelia Sasanqua no Pazo de Goiáns
17.30h – Acto inaugural da XXI exposición no local multiusos do Mercado Municipal
O Concello de Boiro celebra os días 13 e 14 de decembro a XXI Exposición da Camelia Sasanqua e Outras, que se desenvolverá no local multiusos do Mercado Municipal de Boiro. O programa de actividades comezará o sábado 13 de decembro coa plantación dun exemplar de camelia sasanqua ás 17.00 horas no Pazo de Goiáns e o acto inaugural terá lugar no local multiusos do mercado municipal coa participación da Escola de Música de Boiro ás 17.30 horas.
A mostra estará aberta o sábado dende o acto inaugural ata as 20.00 horas e o domingo en horario de mañá e tarde. Pola mañá de 11.00 a 14.00 horas e pola tarde de 17.00 a 20.00 horas. O domingo haberá unha exhibición da agrupación de Palilleiras Revolteir@s que estarán na exposición de 11.30 a 13.30 horas e pola tarde actuación de Paco Nogueiras C@nto contigo para público familiar ás 17.30 horas.
Durante toda a fin de semana haberá unha exposición de Rosa Crespo Pintando y disfrutando entre camelias e postos de artesanía como Artesanía Mosaico en Caços de Portugal, Orfebrería Hedra de Vilaboa, e Flor de Camelia Licores de Camelia de Portugal.
Van participar nesta exposición un total de 33 expositores de Galicia, Asturias e tamén Portugal, que completarán un total de 51 metros de flor onde haberá diversas variedades de camelia sasanqua.
